زجل رجاء قباج

وَاهْ يَا وَعْدِي
كْبْرْتْ الْحْدْبَّة
فْالْعَقْبَة وْ حْدُورْةْ
الْوْقْتْ
تْحْفْرْةْ هْوَّة
تْجْمْعُو ڭْنَاوَة
خْرْجُو مْنْ ذَاتِي
غْوّْتْ غْوْثَة
وَا خُوفِي مْنْ هَاذْ
الْغْمَّة
كْفْنُونِي بْحَرْفْ
كْتَّانُو نْسْمَة
رَا الجّْدْبَة جْدْبْتِي
وَانا بُوهَالِي
مْجْدُوبْ
رَانِي غِيوَانِي
وَاشْ زْهْرِي
مْغْمّْسْ بْالذْنُوبْ
رَانِي زْهْوَانِي
ضْرْبْتْنِي عْصَا
مْنْ صْبْرِي
دْمْعْةْ عَيْنْ
جْرَاحِي
رَارَاتْ الْكْذُوبْ
وَاهْ يَا الْقَاهْرْنِي
وْنْيّْمْتِنِي فْحْضَانْ
الْغْفْلَة
زْدْتِ فْتْوْرَامْ
الْحْدْبَّة
سْرّْحْتِي رْجْلِيكْ
مْشْطْتِي عْمَاشْ
الْهْدْبَة
رْدْنِي لِيَ
غْطِّينِي مْنْ
شْرْ عَيْنِيكْ
الْحْڭْرَة نْخْنْقْهَا
وْمَا تْمْرْمْدْنِي
كْلْمْةْ مْغْلُوبْ

بقلم : رجاء قباج